Chelsea ka lëshuar nga duart një fitore të sigurt ndaj Brentfordit, duke pësuar gol në minutat e fundit të kohës shtesë dhe duke u ndalur në barazimin 2-2.
Pas ndeshjes, trajneri i bluve, Enzo Maresca, shprehu pakënaqësinë për mënyrën se si skuadra menaxhoi minutat e fundit.
“Sigurisht, në momentin që shënuam golin e dytë, duhet të menaxhojmë më mirë. Shënuam në minutën e 86-të dhe në atë moment duhet të japësh pasime, duhet të ngadalësosh, duhet ta çosh lojën pak në gjumë. Është diçka që nuk e bëmë dhe është diçka që duhet ta përmirësojmë dhe të mësojmë. Nuk mund të pësojmë gol në fund”, tha tekniku i Chelseat.
