Skiatori italian Matteo Franzoso ndodhet ende në koma të induktuar pas aksidentit të rëndë që pësoi gjatë një stërvitjeje në La Parva, Kili. Mendohet se 25-vjeçari është përplasur me një barrierë mbrojtëse gjatë zbritjes në pistë.
Gjendja e tij shëndetësore vazhdon të jetë kritike, ndërsa mjekët pritet të kryejnë një vlerësim më të detajuar të situatës në orët e ardhshme. Prindërit e Franzosos kanë fluturuar drejt Amerikës së Jugut për të qëndruar pranë tij në këto momente të vështira.
Sportisti gjenovez, pjesë e ekipit të Fiamme Gialle dhe i rritur sportivisht në Sestriere, ka pësuar një traumë të rëndë në kokë dhe aktualisht është i shtruar në një klinikë të Santiagos, ku mbahet në terapi intensive dhe nën kujdes të rreptë mjekësor.
Federata Italiane e Sporteve Dimërore bëri të ditur se ndihma pas rënies ka qenë e menjëhershme, duke bërë që Franzoso të transportohej me helikopter drejt kryeqytetit kilian për të marrë trajtimin më të mirë të mundshëm. Komisioni mjekësor i është në kontakt të vazhdueshëm me mjekët vendas, të cilët po monitorojnë nga afër gjendjen e tij.
