Mesfushori portugez Bernardo Silva, i cili ka qenë një lojtar kyç për Manchester Cityn për tetë vjet, e di tashmë se do të duhet të kërkojë një klub të ri në fund të sezonit.
Klubi nuk ka ndërmend të zgjasë kontratën e Silvës, e cila skadon në qershor të vitit të ardhshëm, raportojnë mediat britanike.
Silva do të pësojë të njëjtin fat si Kevin De Bruyne, David Silva dhe futbollistë të tjerë.
Në tetë sezone në Etihad, Silva shënoi 72 gola dhe bëri 74 asiste, duke fituar gjashtë tituj të Premier Ligës angleze, dy Kupa të Shoqatës së Futbollit dhe Ligën e Kampionëve (2023).
