Në “Etihad”, ndeshja u bë shumë e vështirë për Napolin që në minutën e 21-të, kur kapiteni Giovanni Di Lorenzo u ndëshkua me karton të kuq pas një faulli ndaj Haaland. Në pjesën e dytë, City përfitoi nga epërsia numerike: në minutën e 56-të, Haaland shënoi me kokë për 1-0, ndërsa vetëm pas 9 minutash, Doku e çoi rezultatin në 2-0, duke vulosur fitoren e kampionëve të Anglisë.
Barcelona arriti një fitore të madhe në transfertën e vështirë ndaj Newcastle. Marcus Rashford ishte protagonisti absolut, fillimisht në minutën e 58-të kur zhbllokoi takimin me një goditje me kokë për 0-1. Në minutën e 67-të, anglezi realizoi një tjetër gol spektakolar nga jashtë zonës, duke dërguar topin në këndin e sipërm të majtë. Vendasit ngushtuan diferencën në minutën e fundit me Anthony Gordon, që shënoi për 1-2, por nuk mjaftoi për të shmangur humbjen.
Eintracht Frankfurt dominoi ndaj Galatasaray-t, duke fituar bindshëm 5-1 dhe duke marrë tri pikët e para me stil.
Fitore e thellë edhe për Sportingun në Lisbonë, që kaloi pa vështirësi kazakët e Kairat Almaty me rezultatin 4-1.
Ndeshjet:
56’ – Nuk mund te rezistonte më gjatë Napoli: në minutën e 56-të, pas një aksioni model të City-t, Haaland e shtyn topip me kokë drejt rrjetës, 1-0.
65′ – Çlirohet City, gjen shpejt golin e dytë me Dokun.
58’ – Zhbllokohet më në fund takimi në ‘St. James’ Park’, Marcus Rashford realizon me kokë për Barcelonën, 0-1
67′ – Gol! Një përfundim fantastik nga Marcus Rashford (Barcelona) nga jashtë zonës. Ai nuk humbi kohë dhe lëshoi një goditje të fuqishme që kaloi pranë portierit dhe u ndal në këndin e sipërm të majtë të rrjetës.
90′ – Gol! Anthony Gordon (Newcastle Utd) përfitoi nga një top i lirë brenda zonës dhe mposhti portierin me një goditje në këndin e poshtëm të majtë. Ai ngushton shifrat në 1:2.
Eintracht Frankfurt – Galatasaray 5-1
Sporting CP – Kairat Almaty 4-1
