Raundi i parë e fazës së grupeve në Champions League ka dhuruar spektakël, emocione dhe gola të shumtë në fushat e Evropës. Tri ditë me ndeshje – të martën, të mërkurën dhe të enjten – kanë rikthyer magjinë e kompeticionit më prestigjioz për klube.
Kampioni në fuqi, PSG, nisi mbrojtjen e trofeut me një paraqitje bindëse, duke mposhtur Atalantan me rezultat të thellë 4-0, duke treguar se edhe këtë sezon do të jetë një nga pretendentët kryesorë. Fitore të rëndësishme regjistruan gjithashtu edhe gjigantët e tjerë europianë si Liverpool, Real Madrid, Barcelona, Manchester City, Arsenal dhe Inter, të cilët e nisën mbarë rrugëtimin e tyre drejt fazave të mëtejshme.
Pas përfundimit të ndeshjeve, UEFA publikoi edhe formacionin e javës së parë, ku janë përfshirë lojtarët që spikatën me paraqitjet e tyre individuale. Ky formacion përfshin ‘yje’ të njohur, por edhe disa surpriza që arritën të bëjnë diferencën për skuadrat e tyre.
Formacioni i javës (4-3-3):
Portier: Gerónimo Rulli
Mbrojtës: Marcos Llorente, Derrick Luckassen, Virgil van Dijk, Kara Mbodji
Mesfushorë: Hans Vanaken, Bicalho, Francisco Trincão
Sulmues: Marcus Rashford, Marcus Thuram, Harry Kane
Prania e emrave të mëdhenj si Van Dijk, Rashford apo Kane nuk është surprizë, pasi ata shfaqën nivelin e zakonshëm të lartë. Ndërkohë, përfshirja e lojtarëve si Luckassen apo Mbodji tregon se edhe futbollistë jashtë skenës më të madhe mediatike mund të spikasin me performanca të shkëlqyera.
Ky është vetëm fillimi i një sezoni që premton shumë, me përballje edhe më të forta në javët në vazhdim. Champions League sapo ka nisur, por entuziazmi dhe pritshmëritë janë më të larta se kurrë.
