Liverpooli ka pësuar një goditje në përpjekjet për të siguruar shërbimet e mesfushorit të talentuar të Crystal Palace, Adam Wharton, gjatë afatit kalimtar të janarit.
Sipas raportimeve nga TEAMtalk, drejtuesit e klubit nga “Selhurst Park” kanë bërë të qartë se nuk kanë aspak ndërmend ta shesin 20-vjeçarin në këtë fazë të sezonit, duke lënë pak ose aspak hapësirë për negociata, transmeton lajmi.net.
Wharton ka qenë një nga zbulimet e këtij viti në Premier League që pas transferimit nga Blackburn Rovers në janar 2024, dhe ka impresionuar me paraqitjet e tij të pjekura në mesin e fushës.
Pavarësisht interesimit të Jurgen Klopp për të shtuar thellësi dhe energji të re në mesfushë, Crystal Palace duket se është e vendosur ta mbajë lojtarin të paktën deri në verë./lajmi.net/
