Romelu Lukaku po kalon një moment shumë të vështirë pas humbjes së babait të tij, Roger, i cili është ndarë nga jeta në moshën 58-vjeçare.
Lajmi i trishtë u konfirmua nga vetë sulmuesi i Napolit, i cili përmes një postimi prekës në rrjetet sociale i bëri një dedikim të veçantë: “Faleminderit që më mësove gjithçka që di. Do të jem përgjithmonë mirënjohës. Jeta nuk do të jetë më e njëjtë. Më mbro dhe më udhëhiq si askush tjetër. Unë nuk do të jem më i njëjti. Dhimbja dhe lotët bien, por Zoti do të më japë forcën të ngrihem sërish”.
Roger Lukaku, ish-futbollist, ndërroi jetë në shtëpinë e tij në Kinshasa, në Republikën Demokratike të Kongos. Shkaqet e vdekjes nuk janë bërë ende të ditura.
Në shenjë zie, Lukaku ka fshirë të gjitha postimet në Instagram, duke lënë vetëm një fotografi të vjetër me të atin, të shoqëruar me mesazhin prekës që ka prekur tifozë e sportistë anembanë botës.
