Mercedes ishte në formë të shkëlqyer në garën e Azerbajxhanit falë kushteve të ftohta të motit dhe një planimetrie piste që luajti në avantazhin e pikave të forta të W16. Singapori do të jetë një sfidë e ndryshme, një pistë qytetase, do të jetë më nxehtë, një shqetësim për drejtorin e ekipit Toto Wolff.
“Pista e Singaporit është më e ngushtë dhe më teknike se ajo e Azerbajxhanit, gjë që favorizon shpejtësi më të larta. Por, ndoshta ndryshimi më i madh janë kushtet e motit. Pavarësisht se gara zhvillohet natën, nxehtësia dhe lagështia në Singapor ushtrojnë një presion si për makinat ashtu edhe për pilotët”, tha Wolff.
Më tej, ai komentoi: “Menaxhimi dhe optimizimi i këtyre aspekteve është një kërkesë kyçe për fundjavën. Në Baku u kthyem në podium dhe u ngjitëm në vendin e dytë në kampionatin e konstruktorëve. Ne e dimë se sa konkurruese është lufta për momentin, ndaj duhet të sigurohemi që të japim gjithçka nga vetja çdo fundjavë”.
“Duam të ruajmë atë pozicion në renditje. Ky është qëllimi ynë për Singaporin dhe gjashtë garat në vijim të Formula 1“, tha Toto Wolff.
