Trajneri i Kombëtares së Zvicrës, Murat Yakin ka folur pas publikimit të listës së lojtarëve të ftuar për dy ndeshjet e ardhshme kualifikuese ndaj Suedisë dhe Sllovenisë, ku emri befasues ishte ai i ish-mbrojtësit të Kombëtares Shqiptare, Adrian Bajrami. Yakin komentoi edhe largimin e Albian Hajdarit te Kombëtarja e Kosovës.
Yakin po i ndryshon gjërat: Pas largimeve të Eman Kospos drejt Bosnjës dhe Hercegovinës dhe Leon Avdullahut dhe Albian Hajdarit drejt Kosovës, 51-vjeçari ka ftuar shqiptarin Adrian Bajramin nga FC Luzern, një lojtar që është shfaqur tashmë në tre miqësore për Shqipërinë në vitin 2022 dhe gjithashtu ka bërë 12 paraqitje për ekipet kombëtare të të rinjve.
Sipas drejtorit të komunikimit të kombëtares Helvetike, Adrian Arnold, Zvicra mori miratimin e UEFA-s vetëm të mërkurën në mbrëmje, teksa Bajrami shprehu qartë dëshirën e tij për të luajtur për Zvicrën.
“Sjellja e tij ishte e qartë dhe ne u bindëm shpejt prej tij”, shpjegoi Yakin. 23-vjeçari, ashtu si Jaquez, i cili është një vit më i ri, është menduar si zëvendësues në mbrojtjen qendrore, ku janë të vendosur Manuel Akanji dhe Nico Elvedi dhe të dy mund të debutojnë me në kualifikueset e Kupës së Botës në Suedi dhe Slloveni.
Bajrami kaloi nga Shqipëria te Zvicra
Yakin komentoi vetëm shkurtimisht mbi largimin e Hajdarit në ekipin kombëtar të Kosovës.
“Ne e pranojmë vendimin e tij; nuk mund ta ndikojmë atë”, tha fillimisht Yakin dhe mohoi se ishte gabim të mos e aktivizonte qendërmbrojtësin 22-vjeçar të Hoffenheimit në një ndeshje garuese, edhe pse Hajdari ishte në stol në ndeshjen e pakuptimtë të Ligës së Kombeve kundër Spanjës.
“Nuk duam të aktivizojmë lojtarë vetëm për të luajtur për ne. Ne mbështetemi te performanca”, përfundoi trajneri i Zvicrës.
Pas dy fitoreve vendimtare në shtëpi në shtator kundër Kosovës (4-0) dhe Sllovenisë (3-0), Zvicra tani përballet me dy ndeshje jashtë fushe.
Më 10 tetor, është planifikuar ndeshja e supozuar kryesore kundër Suedisë, ndërsa tre ditë më vonë, zviceranët përballen me Slloveninë në ndeshjen e tyre të dytë.
