Kombëtarja gjermane po përgatitet për ndeshjet e ardhshme kualifikuese të Kupës së Botës me një përzierje lojtarësh me përvojë dhe të rinj. Trajneri Julian Nagelsmann ka thirrur mbrojtësin Nathaniel Brown të Eintracht Frankfurt për herë të parë.
Përveç debutuesit, shoku i skuadrës së Brown, Jonathan Burkardt, rikthehet në skuadrën prej 24 lojtarësh, ashtu si edhe Aleksandar Pavlović i Bayernit, Nico Schlotterbeck dhe Felix Nmecha të Borussia Dortmund dhe Ridle Baku i Leipzig.
Nagelsmann komentoi: “Qëllimi ynë është i qartë: dy fitore për të qëndruar në rrugën drejt kualifikimit në Kupën e Botës. Pavarësisht disa mungesave, grupi ynë ka cilësi. Kthimi i Schlotterbeck është thelbësor pas dëmtimit të Toni Rüdiger, ndërsa Brown është një talent. Mezi pres të luaj në një stadium të mbushur plot në Sinsheim, një vend i veçantë për mua”.
Gjermania do të luajë në shtëpi kundër Luksemburgut në 10 tetor, ndërsa në 13 tetor do të udhëtojë drejt Belfastit për tu përballur me Irlandën e Veriut.
