Donald Trump ka trazuar ujërat përreth organizimit të Kupës së Botës 2026 duke deklaruar se, në rast të problemeve të sigurisë, ai mund të rishikojë listën e qyteteve të caktuara për të pritur ndeshjet. “Këto qytete qeverisen nga ekstremistë të krahut të majtë që nuk dinë çfarë po bëjnë”, sulmoi presidenti amerikan, duke hedhur hije pasigurie mbi evenimentin.
Përgjigja e FIFA-s ishte e shpejtë. Dje, nga Londra, nënkryetari i FIFA-s dhe presidenti i CONCACAF, Victor Montagliani, përsëriti me forcë se kush i mban në të vërtetë frenat e turneut: “Është turneu i FIFA-s, është nën juridiksionin e saj dhe është FIFA që merr këto vendime. Me gjithë respektin për udhëheqësit botërorë, futbolli është më i rëndësishëm se ata dhe do t’i mbijetojë vendimeve të tyre”.
Një mesazh i qartë dhe i pakundërshtueshëm, që synon të qetësojë si organizatorët ashtu edhe tifozët: shpërndarja e ndeshjeve midis 16 qyteteve të caktuara – njëmbëdhjetë në Shtetet e Bashkuara, tre në Meksikë dhe dy në Kanada, nuk do të varen nga ndërhyrjet politike. Montagliani theksoi gjithashtu vlerën universale dhe të qëndrueshme të sportit: “Kjo është bukuria e vërtetë e futbollit, është më i madh se çdo gjë tjetër”.
