Kombëtarja e Kosovës nuk ka zhvilluar paraqitje si jemi mësuar ta shohim në përballjen ndaj Sllovenisë.
“Dardanët” nuk treguan nivelin më të mirë me sfidën që përfundoi me rezultat të barbartë 0-0.
Sllovenia ishte skuadër më e mirë në shumicën e kohës, ku rrezikuan disa herë me sulmuesin Benjamin Sesko, megjithatë fatmirësisht në formë fantastike ishte Aro Muric që me super pritje ia mohoi golin.
Rasti i vetëm në ndeshje ishte i Vedat Muriqit pas vetëm pesë minutave lojë, por që goditja e sulmuesit të Mallorcas përfundoi jashtë rrjetës.
Ndërkohë, Sllovenia tentoi disa herë përmes Seskos, mirëpo që Muric dhe Albian Hajdari arritën ta bllokonin.
Kësisoj, Kosova merr vetëm një pikë në shtëpi ndaj Sllovenisë dhe tani shkon në kuotën e katër pikëve, derisa këta të fundit mbesin me dy sosh.
Pas vetëm tre ditëve, Kosova do të udhëtojë për përballjen ndaj Suedisë.
