Kombëtarja shqiptare sot përballet me Serbinë në Leskovac, në kuadër të ndeshjeve kualifikuese për Kupën e Botës 2026.
Sfida e cila nis nga ora 20:45, konsiderohet një “finale” për vendin e dytë, pozicion që siguron një biletë për në fazën play-off të Botërorit.
Shqipëria ndodhet aktualisht në vend të dytë me tetë pikë, një më shumë se Serbia, e cila ka një ndeshje më shumë për të luajtur.
Kjo përballje është klasifikuar me rrezikshmëri të lartë nga FIFA, e cila ka dërguar dy oficerë sigurie në Serbi. Federata Serbe nuk ka nxjerrë asnjë biletë në shitje, ndërsa të gjithë 6 mijë e 500 tifozët që do të jenë në stadium janë me ftesa të përzgjedhura, përfshirë të rinj nga akademitë e futbollit.
Teilen:
