Medie të rëndësishme botërore i kanë kushtuar mjaft vëmendje pranisë së kreut të FIFA-s në samitin “Paqja 2025”, të organizuar në Egjip nga Shtetet e Bashkuara të Amerikës ku u vendos rikthimi te dialogu në Lindjen e Mesme.
Edhe pse vetë numri një i FIFA-s vetëm pak ditë më parë, pas kërkesës nga shumë vende antare për votim për të përjashtuar Izraelin nga kompeticionet futbollistike, pohoi se “FIFA nuk mund të zgjidhte problemet gjeopolitike”, nuk hezitoi që të ishte prezent në këtë samit.
Sipas tabloidëve në ishull Gianni Infantino ishte i ftuar i Donald J. Trump në këtë samit. Marrëdhënia mes të dyve është e fortë pasi shpesh herë Infantino ka vizuar Shtëpinë e Bardhë për të diskutuar rreth organizimit të Kupës së Botës 2026.
“Përgëzoj Shtetet e Bashkuara të Amerikës, Presidentin Donald J. Trump, Katarin, Egjiptin, Turqinë dhe të gjitha vendet që bashkëpunuan për të arritur këtë armëpushim”, shkroi Infantino në faqen e tij në Instagram.
