Lando Norris është fituesi i pole position në Çmimin e Madh të Meksikës. Piloti britanik i McLaren ishte perfekt në pistë në këto prova zyrtare teksa vendosi edhe një rekord të saj duke i fituar ato me kohën 1 minutë 15 sekonda e 586 të mijtat për të regjistuar pole positionin e tij të 5 në këtë sezon.
U paraqitën shumë mirë edhe dy makinat Ferrari, me Charles Leclerc që u rendit në vendin e dytë me 262 të mijtat më shumë, me pilotin nga Montecarlo që pati meritën se luftoi deri në fund për pole position. Ndërsa Lewis Hamilton shënoi kohën e tretë më të mirë dhe do të nisë garën nga vija e dytë e nisjes ku do të ketë përkrah George Russell me Mercedes që u rendit në vendin e katërt.
Nuk mundën dot të bënin më shumë Max Verstappen dhe Andrea Kimi Antonelli që do të nisen nga vija e tretë e startit pasi u pozicionuan respektivisht në vendin e pestë dhe të gjashtë. Carlos Sainz u rendit i shtati, por piloti spanjoll u penalizua me 5 pozicione për incidentin me Kimi Antonellin gjatë Cmimit të Madh të SHBA dhe nga kjo përfiton Oscar Piastri që merr vendin e shtatë ndërkohë që ai kishte shënuan kohën e tetë më të mirë në këto prova kualifikuese.
