Augsburgu pësoi humbjen e tetë në shtëpi në dhjetë ndeshjet e fundit, duke u mposhtur 1-0 nga Borussia Dortmundi dhe duke mbetur pranë zonës së rënies nga Bundesliga. Pas humbjes turpëruese 6-0 ndaj Leipzig-ut dhe eliminimit nga Kupa në mesjavë, vendasit tentuan të reagonin dhe patën rastin e parë në minutën e 20-të me Kömür, i cili gaboi përballë portës.
Megjithatë, Dortmundi goditi në fund të pjesës së parë: një devijim i pafat në mbrojtjen e Augsburgut i çoi topin Serhou Guirassy-t, i cili shënoi lehtësisht, duke mposhtur portierin Finn Dahmen.
Në pjesën e dytë, Augsburg u përpoq të barazonte dhe pati rast të artë me Rexhbeçajn, por një ndërhyrje vendimtare e Jobe Bellingham e ndaloi atë. Nga ana tjetër, Dortmundi administroi ndeshjen me qetësi, me Ramy Bensebaini që shkëlqeu në prapavijë.
Fitorja ishte e katërta radhazi për Dortmundin, që ngjitet në vendin e dytë dhe tani përgatitet për duelin e fortë kundër Manchester City-t në Champions League. Augsburg mbetet në vendin e 15-të, vetëm tri pikë mbi zonën e rënies, dhe do të kërkojë të reagojë javën e ardhshme ndaj Stuttgart-it.
