Ndeshja ndërmjet Borës dhe Trepçës në Superligën e Kosovës në basketboll është shtyrë.
Kjo ndeshje e xhiros së pestë, e paraparë të luhet këtë vikend është shtyrë për një datë të pacaktuar.
Bora ka njoftuar se shkaku i balotazhit të zgjedhjeve lokale, palestra si në Prishtinë ashtu edhe në Mitrovicë janë të zëna.
“Arsyeja e shtyrjes është se për shkak të zgjedhjeve lokale, palestrat “1 Tetori” dhe “Minatori” janë të bllokuara për zhvillim aktivitetesh sportive”, ka shkruar Bora, duke shtuar se data e re e ndeshjes do të publikohet së shpejti.
Bora është ekipi i vetëm këtë sezon në Superligë, që ende nuk di për fitore dhe tashmë ka ndërruar trajner.
Teilen:
