Kombëtarja shqiptare e futbollit do të luajë sot në orën 18:00 sfidën e fundit të grupit K eliminator të Botërorit kundër Anglisë, shkruan Syri.net.
Të dy ekipet e kanë siguruar kalimin nga grupi, Anglia e kualifikuar direkt në Botëror dhe Shqipëria në “play-off”.
Ndaj kjo sfidë do të jetë festive në “Air Albania”, edhe pse të dy ekipet kanë synimet e tyre.
Kuqezinjtë synojnë rezultatin e parë historik në përballjet me “Tre Luanët, pasi në 7 ndeshjet e zhvilluara deri tani njohin vetëm humbje.
Pra, sfida e sotme do të jetë për prestigj për të besuarit e Silvinjos, por edhe për një renditje më të mirë në FIFA.
Nga ana tjetër, Anglia e Thomas Tuchel është për rekord, pasi i ka fituar të gjitha takimet në grup, madje pa pësuar asnjë gol.
Tashmë janë publikuar formacionet zyrtare, që mund t’i shihni në tabelën e mëposhtme.
