Tri nga pilotët më të mirë në Formula 1: Max Verstappen, Fernando Alonso dhe Charles Leclerc, mund të garojnë në një ekip në të ardhmen. Nuk bëhet fjalë për një skuadër të F1, por në një ekip në garën 24-orëshe të Le Mansh.
Tri pilotë që do të krijonin një “dream team” në të ardhmen me një objektiv të qartë: Të fitojnë një nga garat më të famshme në botë. Natyrisht që nuk bëhet fjalë për të garuar vitin tjetër, por në një të ardhme të afërt.
Leclerc, Verstappen e Alonso kanë shprehur prej kohësh dëshirën për të marrë pjesë në këtë garë. Madje spanjolli, kur u shkëput për dy sezone nga Formula 1, ka provuar të garojë në të tilla kompeticione, duke fituar përvojë.
Këtë herë, Alonso mund të mbështetet te dy kolegë të F1, të shpejtë si ai në pistë dhe fitues. Natyrisht që do të duhet edhe makina e duhur për t’ia dalë mbanë edhe pse nuk ka për të qenë e lehtë të mposhtin konkurrencën.
