Një natë që foli për Interin, një natë që foli për Lautaron. Me performancën më të mirë(ose pothuajse) zikaltërit, së bashku me kapitenin e tyre, morën tri pikë dhe konfirmuan vendin e tyre të parë në ligë.
Kundër Bolonjës, të fituar me rezultatin 3-1, ishte një ndeshje pothuajse e njëanshme, me vendasit që dominuan plotësisht. Lautaro ishte padyshim ylli i shfaqjes, duke shënuar një gol të denjë për një sulmues dhe duke prodhuar disa momente të shkëlqyera. Chivu mund të buzëqeshë me fitoren e tij të dytë radhazi në ndeshje të nivelit të lartë (Atalanta dhe Bolonja), por edhe me disponueshmërinë e alternativave të shumta, veçanërisht në mesfushë.
Krahu i djathtë mbetet një çështje e hapur, me Luis Henrique ende jo në nivelin e shokëve të tij të ekipit. Bolonja dha një nga performancat e tyre më pak mbresëlënëse, ndoshta për shkak të lodhjes mentale dhe sigurisht kontributit të kufizuar të liderit të tyre Orsolini.
INTER-BOLONJA 3-1
Shënues: Zielinski 39’, Martinez 48’, Thuram 74’/Castro 83’
