Napoli-Parma ishte një ndeshje ku nuk munguan momentet e tensionit. Skuadra kampione, pavarësisht se ishte pa Conten për shkak të pezullimit, u përpoq të siguronte tri pikët, por nuk pati sukses, falë një performance të shkëlqyer mbrojtëse nga Parma e Cuestas dhe portierit të tyre Rinaldi, i lindur në vitin 2002 dhe që debutoi në Serie A. Napoli arriti të gjejë rrugën e rrjetës, por goli i McTominay u anulua për pozicion jashtë loje të Mazzocchi-t pas një rishikimi të diskutueshëm të VAR-it.
Pas disa minutash heshtje, gjyqtari Fabbri e anuloi golin, duke i dhënë një goditje të lirë indirekte vizitorëve për shkak të pozicionit jashtë loje të Mazzocchit. Incidenti shkaktoi një valë polemikash në mediat sociale nga tifozët e Napolit, përfshirë disa komente të ashpra pas ndeshjes.
Amir Rrahmani tha për DAZN: “Këto janë ndeshjet ku duhet të shënosh menjëherë, sepse bëhet një lojë tjetër. Duhet të jemi më të shpejtë dhe më efektivë, të sjellim më shumë cilësi në lojën tonë sulmuese dhe ta bëjmë këtë kundër ekipeve të mbyllura, në mënyrë që të bëjmë diferencën.Goli i anuluar i McTominay? Të gjithë e pamë. Ne i respektojmë rregullat, por ato duhet të jenë të njëjta për të gjithë në të ardhmen”.
