E bujshme! Leclerc largohet nga Ferrari në fund të sezonit, gati transferimi tek Aston Martin
Piloti i Ferrari, Charles Leclerc, mund të jetë në qendër të tregut të pilotëve të Formula 1 në fund të këtij sezoni nëse gjërat nuk shkojnë sipas planit në Maranello gjatë muajve të ardhshëm.
Vetëm 10 pilotë në historinë e Formula 1 kanë arritur më shumë pozicione “pole” sesa Charles Leclerc, duke nxjerrë në pah se sa i shpejtë është piloti monegask. Megjithatë, që kur iu bashkua Ferrari në vitin 2019, ai ka përfunduar në katër vendet e para të kampionatit të pilotëve vetëm në tre raste.
Ky sezon pritet më shumë interes nga të gjithë. Ndryshimet e rregullave mund t’i japin Leclerc një avantazh ndaj Lewis Hamilton në betejën brenda ekipit të Ferrari, por kjo nuk do të thotë asgjë nëse SF-26 nuk shkëlqen ndaj rivalëve.
Për pasojë, mediat italiane sqarojnë se Leclerc po diskuton me ekipe të tjera, pavarësisht se ka një marrëveshje afatgjatë me Ferrari. Kjo situatë ka tërhequr menjëherë vëmendjen e Aston Martin, që gjithashtu është duke vëzhguar me kujdes tregun e pilotëve.
Madje Aston Martin mund ta lirojë Lance Stroll nga kontrata e tij për të nënshkruar Charles Leclerc. Një raport nga AutoMoto ka ndarë më shumë detaje rreth situatës në të cilën ndodhet Leclerc, i cili ka një klauzolë lirimi që mund ta aktivizojë në fund të sezonit bazuar në performancën e Ferrarit.
Besohet se “opsioni i parë” në tryezë për Leclerc, nëse ai vendos të largohet nga Ferrari, është Aston Martin. Edhe kontrata e Fernando Alonso skadon në fund të sezonit, por besohet se ai mund të zërë vendin e Lance Stroll.
