Milan shumë afër akordit me Brighton për mbrojtësin Coppola, vjen si huazim

Igli Tare dhe Milan janë në kërkim të një mbrojtësi, të cilin duan t’ia bëjnë dhuratë trajnerit Allegri në këtë sesion të merkatos. Informacionet e fundit flasin se një përforcim i tillë është shumë afër.

Klubi kuqezi ka bërë hapa të rëndësishëm përpara për të marrë Diego Coppola nga Bighton. Bëhet fjalë për një huazim të pastër. Lojtari i vilindjes 2003 zbarkoi në Premier League verën që kaloi, kur u largua nga Verona.

Mbrojtësi italian e njeh Serie A dhe do të ishte një përforcim i rëndësishëm për trajnerin Allegi, i cili ka kërkuar një alternativë me kualitet për të mos pasur probleme gjatë gjysmës së dytë të sezonit. Më parë janë lakuar emra të ndryshëm mbrojtësish, që nga Tiago Silva e Kim Min Jae, por tashmë Milani ka zgjedhur Coppola.