Bove rikthehet në fushë, transferohet te Watford në Angli

Edoardo Bove rikthehet në fushë. Vetëm pak ditë pasi i dha fund kontratës me Romën, ish-mesfushori i Fiorentinës është gati të rikthehet në lojë dhe do ta bëjë këtë në Angli. Transferimi i tij te klubi i Championship, Watford, është bërë zyrtar.

“Watford ka kënaqësinë të njoftojë se ka përfunduar nënshkrimin e Edoardo Bove. 23-vjeçari ka nënshkruar një kontratë pesëvjeçare e gjysmë me klubin anglez pas ndërprerjes së ndërsjellë të kontratës së tij me AS Roma”, shkruhet në njoftimin e klubit.

Kujtojmë që Bove pësoi një arrest kardiak në fushë gjatë ndeshjes Fiorentina-Inter në 1 dhjetor të vitit 2024. Mesfushori i është nënshtruar me sukses një operacioni për të implantuar një pajisje të lëvizshme për ndezjen e zemrës (defibrilator), pas kolapsit të tij të fundit gjatë një ndeshjeje të Serie A.

Tashmë 23-vjeçari është gati për të nisur një aventurë të re në karrierë dhe të rikthehet sërish në fushën e blertë.