Dy të shkarkuar dhe një emër që po surprizon, ja tri kandidatët për stolin e City nëse ikën Guardiola

Duket se ky do të jetë sezoni i fundit i Pep Guardiola në stolin e Manchester City. Sipas “The Telegraph”, trajneri spanjoll do të largohet në qershor nga “Etihad”.

Për pasojë, klubi ka nisur të gjejë një zëvendësues të denjë dhe në listën e kandidatëve kanë mbetur vetëm 3 emra. Bëhet fjalë për Xabi Alonso, Enzo Maresca dhe Cesk Fabregas.

Dy të parët janë shkarkuar këtë sezon nga detyra: Alonso nga stoli i Real Madrid, ndërsa Maresca nga stoli i Chelsea. Ndërsa Fabregas, aktualisht po surprizon në Serie A me ekipin e Como, që renditet në vendin e gjashtë.

Marrëveshja aktuale e Guardiola me “citizens” është deri në fund të sezonit të ardhshëm, por u përball me më shumë zhgënjim të dielën në një barazim 2-2 me Spurs, duke i hequr një epërsi prej dy golash.

Manchester City aktualisht është gjashtë pikë pas liderëve të Premier League, Arsenal. duket se pas 10 vitesh në detyrë, Guardiola do të lërë stafetën dhe një garë e fortë pritet për t’i zënë vendin.

Të tri kandidatët kanë përvojë në Premier League, dy spanjollët si lojtarë, ndërsa italiani si trajner.