Kupa e Italisë: Atalanta në gjysmëfinale, Juve eliminohet

Atalanta shkatërroi Juventusin në çerekfinale të Kupës së Italisë 2025/26 me një fitore 3-0 dhe u kualifikua në raundin tjetër. Momenti që ndryshoi ndeshjen ishte në minutën e 25-të: Prekja me dorë e Bremer në zonë rezultoi në një penallti të akorduar pas një rishikimi të VAR-it, dhe penalltia e Scamacca-s në minutën e 27-të çoi në avantazhin 1-0. Bardhezinjtë u përpoqën të reagonin menjëherë,por pjesa e parë përfundoi pa gola të tjerë.

Në pjesën e dytë, Spalletti futi në lojë lojtarin e ri Boga, me bardhezinjtë që kërkonin pa pushim një gol barazimi. Në minutën e 77-të, zikaltërit vulosën kualifikimin: Zappacosta në të djathtë, krosoi në shtyllën e largët dhe Sulemana shënoi për ta bërë rezultatin 2-0.

Në minutën e 85-të, Pasalic shënoi golin e tretë, duke vulosur fitoren me një gjuajtje të fuqishme diagonale me të djathtën që mposhti Perin për herë të tretë. Atalanta avancon në gjysmëfinale, ku pret fituesin e ndeshjes Lazio-Bologna, Juventusi eliminohet.