U desh pak kohë për të zgjidhur enigmën Valencia, por Real Madridi më në fund arriti të fitojë në Mestalla, falë golave të mbrojtësit Alvaro Carreras dhe të pamëshirshmit Kylian Mbappé. Rezultati i lejoi Alvaro Arbeloas, pavarësisht disa mungesave kyçe, të mbante ritmin me Barçën, e cila mbetet një pikë përpara pas fitores së djeshme në shtëpi ndaj Mallorcas.
Pas një pjese të parë pa gola, ‘Blancos’ zhbllokuan sfidën në minutën e 65-të me anë të Alvaro Carreras, një mbrojtës që bëri sulmuesin duke kaluar tre kundërshtarë dhe duke shënuar. Në fund u ngjit në skenë Mbappe, i cili shënoi golin e tij të 23-të në turne. Reali me këtë fitore është ngjitur në kuotën e 57 pikëve, Barcelona ka 58 pikë.
Teilen:
