Leo Messi po rikuperohet pas dëmtimit që pësoi gjatë miqësores së parasezonit të Inter Miami kundër Barcelona de Guayaquil, çka çoi edhe në shtyrjen e ndeshjes ndaj Independiente del Valle. Diagnoza ishte tërheqje muskulore në kofshën e majtë. Takimi do të luhet më 26 shkurt.
Ndërsa po shërohet, ylli argjentinas po kalon kohë me familjen dhe fëmijët e tij, që luajnë në akademinë e Inter Miami. Fundjavën e kaluar ai u pa pranë fushës së bashku me Antonella, i veshur sportivisht dhe duke shijuar ndeshjen.
Në një moment, me duart në xhepat e “bermudave”, Messi mori një top pranë tij dhe tregoi sërish magjinë. Ai goditi me të majtën, me efekt dhe nga një kënd i vështirë pranë vijës fundore, duke e dërguar topin në rrjetë. Videoja, e shpërndarë në rrjetet sociale, ka kaluar mbi 563.000 shikime.
Gaaaallll mas que Olímpico del Mejor de TODOS🐐⚽️!! pic.twitter.com/yzwsIwAlrN
— KING MESSI 10 (@messi10_rey) February 15, 2026
