Skuadra e Galatasarayt ka fituar ndeshjen e parë të fazës nokaut të “play-offit” të Ligës së Kampionëve kundër Juventusit.
Në duelin e luajtur të martën në Stamboll, Galatasaray triumfoi me rezultatin 4:2, përpara ndeshjes së kthimit që luhet javën tjetër në Torino.
Ndeshja u luajt në një atmosferë të zjarrtë dhe ishte interesante prej fillimit.
Në pjesën e parë, u shënuan tri gola dhe Juventusi ishte në avantazh 2:1 pas 45 minutave.
Gabriel Sara (15′) zhbllokoi rezultatin dhe kaloi në epërsi Galatasarayn, ndërsa Juventusi reagoi me dy gola të Teun Koopmeiners (16′, 32′).
Në pjesën e dytë, Galatasaray ishte më kërkues dhe menjëherë, erdhën golat për ekipin nga Turqia.
Noah Lang (49′), barazoi shifrat, përpara se Davinson Sanchez (60′), ta rikthejë avantazhin e Galatasarayt.
Lang në minutën e 75-të realizoi për 4:2, ndërsa fitoren e Galatasarayt me tri gola epërsi, e vulosi Sacha Boey (86′).
Juventusi ndeshjen e mbylli me një lojtar më pak, pasi rezervisti Juan Cabal u përjashtua në minutën e 67-të, ku u ndëshkua me dy kartonë të verdhë për më pak se dhjetë minuta.
Edon Zhegrova nuk u inkuadrua fare në këtë ndeshje te Juventusi, pasi trajneri Luciano Spalletti mori vendime tjera për zëvendësimet.
