Pas ndeshjes mes Galatasaray dhe Juventus, mbrojtësi bardhezi Pierre Kalulu foli për “Sky Sport”: “Golat vijnë gjithmonë nga gabimet tona, ndodh. Për mua gjëja më e vështirë ishte pjesa e dytë, edhe me kartonin e kuq nuk duhet të lejonim kaq shumë raste. Duhet të kuptojmë çfarë ndodhi, por futbolli të detyron ta rregullosh shpejt mendjen, sepse ka ndeshje të tjera”.
Për lodhjen fizike shtoi: “Nuk mund të fshihesh pas lodhjes në një ndeshje Champions-i. Sonte shkoi kështu, është e vështirë të kuptohet çfarë ndodhi, por duhet të ngremë kokën dhe të bëjmë më mirë”.
Kalulu u rikthye edhe tek episodi me Bastoni në ndeshjen ndaj Interit: “Isha shumë nervoz pas atij episodi, është më mirë të flasim pak sepse fjalët e tepërta nuk shërbejnë. Duhet të mendoj për fushën”. Për kërkim-faljen e Bastonit: “Nuk pashë çfarë tha. Ndeshja ka mbaruar, duhet të shohim përpara. Është vetëm për të ardhur keq”.
