Para sfidës Milan-Como, drejtori sportiv kuqezi Igli Tare komentoi polemikat rreth rastit “Bastoni-Kalulu”, duke bërë apel për më shumë qetësi dhe respekt ndaj arbitrave. Ai theksoi se episode të tilla kanë ekzistuar gjithmonë dhe do të vazhdojnë të ndodhin, por nuk ndihmojnë për imazhin e lojës:
“Janë gjëra të së kaluarës, do të ndodhin edhe në të ardhmen. Nuk është se përfundojnë. Natyrisht janë situata që nuk i bëjnë mirë futbollit, duhet të jemi të gjithë të zotë të bëjmë një hap pas dhe të përpiqemi t’u japim qetësi arbitrave që të kryejnë punën e tyre në mënyrën më të mirë të mundshme”.
Në fund ai shtoi: “Është e kotë të diskutojmë tani për këtë situatë, duhet të shohim përpara me energji pozitive”. Një mesazh i qartë për të ulur tensionet dhe për t’u fokusuar te fusha e blertë.
