Ish-kapiteni historik i Benfica, Luisao, denoncoi kërcënime dhe fyerje raciste pasi mbrojti Vinicius Junior lidhur me episodin e denoncuar nga lojtari i Real Madrid kundër Prestianni.
“Kjo fanellë është shumë e madhe, e dua Benfica, është lëkura ime e dytë. Duhet të jesh i denjë për ta veshur atë fanellë. Ky tekst (faljet e Prestiannit) e përkeqëson situatën, sepse është gënjeshtër… Ishte racizëm, po, dhe më vjen turp për këtë”, – deklaroi ish-mbrojtësi, kapiten i Benfica për 15 sezone.
Luisão tregoi se pas deklaratave u sulmua në rrjetet sociale: “Më fyen, më quajtën majmun, Judë dhe thanë se nuk do të shkel më në stadiumin e Benfica”. Braziliani theksoi se mbetet tifoz i klubit: “Fanella e Benfica është lëkura ime e dytë”. Ai shtoi: “Vinicius është hero dhe shembull në luftën kundër paragjykimeve dhe racizmit. Shpresoj që Europa të jetë shembull edhe në luftën kundër racizmit”.
