Jonathan Tah ka premtuar se më e mira e Bayern Munich ende nuk ka ardhur. Mbrojtësi 29-vjeçar gjerman e di se ky është momenti kyç që do të vendosë sezonin. Në një intervistë, ai shpjegoi se çfarë ka gjetur në klubin bavarez në këto gjashtë muajt e parë: “Kur u transferova këtu, menjëherë ndjeva atmosferën, energjinë dhe intensitetin që nga seanca e parë stërvitore”
“Duke folur me trajnerin, më shpjegoi se nuk duan që askush të marrë frymë kundër nesh. Kjo e bën të vështirë përballjen dhe mposhtjen tonë, sepse intensiteti ynë është kaq i lartë. Nuk ka rëndësi se kush është kundërshtari: vetëm ajo që duam të bëjmë ka rëndësi. Trajneri po bën një punë të jashtëzakonshme“, tha Tah.
Gjërat po shkojnë shumë mirë në Bundesliga, Kupën e Gjermanisë dhe Champions League, por sezoni është ende shumë i gjashtë. “Ndeshjet e mëdha po vijnë tani. Nuk po them që ato të kaluarat nuk ishin, por kjo qasje është thelbësore për suksesin”, deklaroi mbrojtësi i ardhur nga Leverkusen.
“Kjo periudhë e sezonit na ka dhënë besimin për t’u përballur dhe për të mposhtur ekipet e mëdha. Ndeshjet e mëdha janë afër dhe ne po u afrohemi atyre me shumë besim. Ne e dimë çfarë duhet të bëjmë“, deklaroi Tah.
Një nga këto është kundër Borussia Dortmund në Signal Iduna Park: “Klassiker është gjithmonë i veçantë. Më pëlqen të luaj në shtëpi, por është gjithashtu mirë të luaj jashtë fushe. Do të jetë hera ime e parë në Dortmund si lojtar i Bayern”.
“Nuk mund të thuash se është një ndeshje si çdo tjetër, sepse nuk është. Bota e jashtme po përpiqet ta bëjë të çmendur, por ne duhet të qëndrojmë në rrugën e duhur dhe të përgatitemi siç bëjmë gjithmonë“, deklaroi Jonathan Tah.
