Lautaro Martinez ka pësuar një tërheqje muskulore në soleusin e këmbës së majtë, një dëmtim që pritet ta mbajë kapitenin e Interit jashtë fushave për rreth një muaj dhe ta përjashtojë atë nga derbi kundër Milanit.
Interi lëshoi një deklaratë zyrtare sot (e premte) pas testeve mjekësore të kryera ndaj sulmuesit të tyre, Lautaro Martinez, këtë mëngjes.
Lojtari i kombëtares argjentinase kishte pësuar një dëmtim në pulpë gjatë një ndeshjeje të Ligës së Kampionëve kundër Bodo/Glimt dhe u zëvendësua në pjesën e dytë.
Interi tha se ekzaminimet zbuluan një “tendosje muskulore në soleusin e këmbës së tij të majtë” dhe se gjendja e sulmuesit “do të rivlerësohet javën e ardhshme”.
Sky Sport dhe Corriere dello Sport pretendojnë se Lautaro do të detyrohet të qëndrojë jashtë fushave për tre deri në katër javë. Kjo do të thotë se ai do të humbasë derbin kundër Milanit në fundjavën e 8 marsit.
Megjithatë, Gazzetta dello Sport sugjeron që Interi shpreson që golashënuesi i tyre më i mirë këtë sezon të kthehet në kohë për derbin, duke humbur katër ndeshjet e ardhshme kundër Lecces dhe Genoas në Serie A, Bodo/Glimt në Ligën e Kampionëve dhe Como në Kupën e Italisë.
Ndryshe, Lautaro Martinez ka shënuar 18 gola dhe ka dhënë katër asistime në 35 paraqitje në të gjitha garat këtë sezon. /Telegrafi
