Tadej Pogaçar është një alien i çiklizmit botëror. Çiklisti slloven vazhdon të shkruajë emrin e tij në faqet e historisë së këtij sporti me rekordet e arritura. Pogaçar ka fituar garën në Strade Bianche, falë një shkëputje të jashtëzakonshme kur kishin mbetur edhe 80 km nga gara. Kjo është hera e katërt radhazi që slloveni e fiton këtë garë, duke vendosur kështu një rekord të ri të të gjitha kohërave me këtë arritje.
Me një shkëputje të jashtëzakonshme, Tadej Pogacar fitoi Strade Bianche për herë të katërt, një rekord ky. Por nëse personi që e arriti këtë është tashmë një çiklist jo-njerëzor, është koha ta quajmë një shkëputje “në stilin Pogacar”. Domethënë, duke filluar rreth 80 km nga fundi i pistës prej 203 km, slloveni 27-vjeçar vendosi t’i thoshte lamtumirë ndjekësve.
Prej andej, ishte një monolog nga kampioni botëror në fuqi, i cili gradualisht u tërhoq, duke menaxhuar ritmin e tij pa mundim, ndërsa ata pas tij kuptuan se duhej vetëm të luftonin për vendin e dytë. Kështu, Pogacar vazhdon të shkruajë legjendën e tij, duke fituar Strade Bianche për herë të katërt, një rekord i ri ky i të gjitha kohërave, pas fitoreve në vitet 2022, 2024 dhe 2025.
Askush si ai në historinë e çiklizmit, dhe tani synimet e tij janë për në Milano-Sanremo. I dyti mbërri në finish francezi 19-vjeçar Paul Seixas dhe pas tij, në vendin e tretë ishte Isaac Del Toro.
