Erling Haaland pritet të kthehet në fushë për ndeshjen e radhës që Manchester City do të luajë në Champions League kundër Real Madrid. Sulmuesi norvegjez nuk ka luajtur në ndeshjen e fundit dhe kaloi fundjavën duke u stërvitur dhe duke punuar për ritmin e tij.
Kjo ishte hera e dytë në tre ndeshje që Haaland mungonte, pasi mungoi edhe në fitoren e fundjavës së kaluar në Premier League kundër Leeds për shkak të një dëmtimi. Pep Guardiola, tha: “Nuk mendova ta lija të luante dhe preferoj që ai të stërvitet për të kapur ritmin”.
“Pas një dëmtimi, ai gjithmonë lufton pak për të pasur atë ritëm të vërtetë”, shtoi më tej trajneri spanjoll. Gianluigi Donnarumma, Ruben Dias, Marc Guehi, Rodri dhe Bernardo Silva ishin ndër lojtarët e tjerë që pushuan në FA Cup, ndërsa Antoine Semenyo, Rayan Cherki dhe Phil Foden u aktivizuan në minutat e fundit.
Trajneri i City shpreson gjithashtu që mesfushori Mateo Kovacic dhe mbrojtësi Josko Gvardiol të kthehen para fundit të sezonit. Kovacic ka bërë vetëm dy paraqitje këtë sezon për shkak të një dëmtimi në kyçin e këmbës dhe Gvardiol ka qenë jashtë që kur theu këmbën në janar.
Duke folur për Kovacic, trajneri tha: “Më në fund ai është rikthyer në stërvitje, në 3-4 seancat e fundit stërvitore. Megjithatë, gjendja e tij ka nevojë për kohë. Ndoshta ai mund të na japë një ndihmë deri në fund të sezonit.”
