Njëra prej katër skuadrave të cilat së bashku me Shqipërinë formojnë Rrugëtimin B drejt Botërorit 2026 ka zbuluar listën e lojtarëve të grumbulluar për dy ndeshjet vendimtare të muajit mars.
Suedia, e cila do të luajë me Ukrainën në Valencia më 26 mars, nëse kalon pengesën e parë atëherë do të sfidojë në shtëpinë e saj në finalen e madhe fituesen e çiftit Poloni-Shqipëri në 31 mars.
Për të arritur këtë objektiv komisari teknik i Suedisë, Graham Potter ka përpiluar një listë lojtarësh në emergjencë të plotë pasi shumë yje janë të dëmtuar. Kështu ndeshjen delikate të marsit e kanë humbur lojtarë si Isak, Dejan Kulusevski, Viktor Johansson, Emil Holm, Jacob Widell Zetterstrom, Alexander Bernhardsson dhe Emil Krafth.
Fakti që flitet për një formacion me shumë resurse trajneri anglez do të ketë në dispozicion një grup me eksperiencë lojtarësh siç janë: Viktor Gyokeres, Yasin Ayari, Isak Hien, Daniel Svensson, Gabriel Gudmundsson, Anthony Elanga dhe Victor Lindelof.
Potter ka grumbulluar për këtë sfidë edhe një talent si Elliot Stroud, i cili u shpall kampion me Mjallby-n.
Të grumbulluarit:
Portierë: Kristoffer Nordfeldt, Melker Ellborg, Noel Tornqvist
Mbrojtës: Victor Lindelof, Isak Hien, Gabriel Gudmundsson, Carl Starfelt, Daniel Svensson, Gustaf Lagerbielke, Herman Johansson
Mesfushorë: Mattias Svanberg, Jesper Karlstrom, Yasin Ayari, Hugo Larsson, Lucas Bergvall, Besfort Zeneli, Gustav Lundgren, Williot Swedberg, Eric Smith, Elliot Stroud Sulmues: Viktor Gyokeres, Anthony Elanga, Gustaf Nilsson, Benjamin Nygren, Roony Bardghji, Taha Ali
