Vinícius Júnior po kalon një nga momentet më të mira të sezonit dhe Real Madridi po e shijon formën e tij. Nën drejtimin e Arbeloa, braziliani ka rikthyer versionin e tij më të mirë, duke iu afruar nivelit që e çoi pranë “Topit të Artë”.
Në derbin ndaj Atlético Madridit, ai ishte vendimtar, duke lënë mënjanë polemikat dhe fokusuar te loja. Pas ndeshjes u shpreh: “Jam shumë i lumtur me ndeshjen që bëmë. E kontrolluam derbin që në fillim, pësuam gol, por po evoluojmë që tifozët të jenë të lumtur dhe Reali të fitojë gjithmonë”.
Për meritat: “Janë të të gjithëve; të trajnerit, lojtarëve, tifozëve dhe punës së javës. E kishim të qartë planin dhe kjo bëri diferencën”. Për formën personale: “Jam shumë i lumtur, sepse kam punuar gjithë sezonin për ndeshje si kjo. Gjithmonë përmirësohem, shënoj gola dhe jap asistime”.
Ai u shpreh i zhgënjyer për ndërprerjen e kampionatit: “Është për të ardhur keq, jemi në formë të mirë. Shpresoj të kthehemi pa dëmtime”. Pas ndeshjes, Vini publikoi një mesazh provokues: “Madrid ka vetëm një”, duke marrë përgëzime nga Karim Benzema, Thibaut Courtois dhe Rodrygo.
