Eberechi Eze, mesfushori-sulmues i Arsenal, do të mungojë disa javë për shkak të një dëmtimi në pulpë. Lajmi është konfirmuare nga “Sky Sports News”.
Eze nuk luajti për “topçinjtë” në humbjen 0-2 në finalen e Carabao Cup ndaj Manchester City, pasi dëmtoi pulpën në fitoren ndaj Bayer Leverkusen, në champions League një javë më parë.
Mesfushori-sulmues, i cili nuk u grumbullua edhe nga skuadra e Anglisë, do t’i nënshtrohet një skanimi të mëtejshëm. Eze ka shpresë se mund të kthehet më shpejt se afati kohor i raportuar, prej katër deri në gjashtë javësh.
Liderët e Premier League janë ende duke ndjekur tripletën e trofeve këtë sezon, pasi luftojnë edhe në Champions League dhe FA Cup.
Nëse afati kohor i raportuar është i saktë, atëherë Eze do të mungojë një seri vendimtare prej pesë ndeshjesh në të tre kompeticionet, përfshirë udhëtimin ndaj rivalëve për titull, Manchester City muajin e ardhshëm.
