Sulmuesi i Kosovës, Vedat Muriqi, ka thënë se ekipi është i gatshëm për të arritur një fitore të madhe në Sllovaki. Ai ka vlerësuar ndeshjen me Sllovakinë si të barabartë.
“E dimë rëndësinë e ndeshje. Besoj se kemi pasur tre stërvitje të rëndësishme për ne. I dimë pikat e forta dhe dobëta të Sllovakisë. Jemi në prag të historisë dhe pres ndeshje të barabartë nga të dyja palët. Unë personalisht dhe gjithë ekipi jemi gati për betejën ndaj Sllovakisë”, tha Muriqi në konferencë për media.
Muriqi, ka thënë se për të më me rëndësi është fitorja ndaj Sllovakisë sesa shënimi i golit.
“Jam i përgatitur dhe e rëndësishme është që të paraqitemi mirë. Kam thënë se nuk më intereson të shënoj gol, por të marrim fitore kolektive. E dimë rëndësinë e ndeshjes. E di sa i rëndësishëm jam për ekipin, por jo për të shënuar gol por për të dalë fitues”, tha Muriqi.
Vedat Muriqi, ka thënë se do ta marrë përsipër ekzekutimin e penalltisë nëse akordohet ndonjë në ndeshjen gjysmëfinale të plejofit të Botërorit 2026 kundër Sllovakisë.
Kosova luan të enjten nga ora 20:45 në Bratislavë ndaj Sllovakisë.
