Nga grumbullimi i Belgjikës në SHBA, Kevin De Bruyne nuk i shmangu pyetjet mbi momentin delikat që përfshin bashkëkombësin Romelu Lukaku dhe Napolin. Mesfushori, që vjen edhe vetë nga një ndalesë e gjatë, bëri një analizë të kthjellët pa hyrë shumë në detaje, por duke lënë të kuptohet vështirësinë e situatës.
“Në Napoli ka gjithmonë shumë zhurmë, gjithçka amplifikohet, – shpjegoi ai. – Nuk i di detajet, por duket qartë se situata e Romelu është e komplikuar. Ai është dëmtuar dhe nuk ka qenë në formën më të mirë. Shpresoj që të rikthehet sa më shpejt”.
Më pas krahasoi rikuperimet: “Unë bëra rehabilitim të plotë në Belgjikë, ai gjysmën në Antverp dhe gjysmën në Napoli. Kur ka dy perspektiva të ndryshme, bëhet e vështirë të punohet bashkë. Nuk është ideale për të qenë në maksimum”.
De Bruyne foli edhe për veten: “Po marr ritëm, kam luajtur më shumë nga sa prisja. Stërvitem me ekipin prej 4 javësh dhe ndihem mirë”. Për të ardhmen: “Nuk mendoj të largohem nga kombëtarja pas Botërorit”.
