Adrien Rabiot nuk është stërvitur me Francën. Lajmin që “tremb” tifozët kuqezinj e ka dhënë vetë Didier Deschamps në konferencë për shtyp, por gjendja e mesfushorit nuk duket të shkaktojë shqetësime të mëdha te Milani. “Ka pësuar një goditje në gju, sot do të qëndrojë pushim për arsye paraprake”, – u shpreh trajneri, pak orë para miqësores me Kolumbinë (1-3), e dyta pas asaj të fituar ndaj Brazilit të Ancelottit.
Për Rabiot, i cili gjithsesi nuk pritej të ishte titullar, njësoj si portieri tjetër kuqezi Mike Maignan, nuk duket të jetë diçka serioze. Stafi mjekësor i Milanit do të përpiqet në orët në vijim të kuptojë më shumë për gjendjen e tij.
Ndërkohë, për Pashkë, kuqezinjtë do të përballen me Napolin në një ndeshje që nuk duhet dështuar nëse duan t’i mbajnë gjallë shpresat për titull. Statistikat e Milanit pa Rabiot janë mjaft shqetësuese.
