Pengesa e fundit drejt Botërorit për Italinë quhet Bosnja, kombëtare krenare dhe përfaqësuese e një populli me histori të pasur, por skuadër që në letër është dukshëm inferiore ndaj axurrëve. Këtë e dëshmon edhe vlera e kartonëve të lojtarëve që përbëjnë dy kombëtaret në fjalë. E gjithë përfaqësuesja e Bosnjës, e përbërë nga 24 lojtarë, vlen rreth 120 milionë euro, sipas vlerësimeve të “Transfermarkt”.
Kjo shifër përkon pikërisht me vlerën e dy lojtarëve të Italisë, Alessandro Bastoni dhe Federico Dimarco, të cilët së bashku kushtojnë sa e gjithë skuadra boshnjake (70 milionë plus 50 milionë). Diferenca në cilësi dhe në vlerë ekonomike nxjerr në pah avantazhin e dukshëm të Italisë në këtë përballje vendimtare.
Megjithatë, historia e futbollit ka treguar shpesh se shifrat nuk janë gjithmonë vendimtare në fushë, ndaj Bosnja mbetet kundërshtar për t’u marrë seriozisht.
