Ish-legjenda e Gjermanisë dhe Bayern Munich, Karl-Heinz Rummenigge, tashmë në rolin e Drejtorit Ekzekutiv te bavarezët, ka kritikuar haptazi agjentët e lojtarëve duke thënë se ata janë problemi më i madh aktualisht në botën e futbollit.
“Ne jemi larguar plotësisht nga rruga e duhur. Agjentët janë problemi më i madh në futboll. Verën e kaluar, një total prej 1.347 miliardë dollarësh bonuse iu paguan agjentëve. Pesë vjet më parë, ishin 500 milionë dollarë, që ishte tashmë shumë…
Dhe kjo është shumë e dëmshme për sportin tonë. Te Bayern, ne do ta adresojmë këtë çështje më me vendosmëri. Franz Beckenbauer gjithmonë thoshte: ‘Suksesi është thelbësor, por duhet të ndërtohet mbi një themel të fortë.’ Në një moment, Bayern devijoi nga kjo rrugë dhe investoi shumë në pagat dhe komisionet e agjentëve, por ne tashmë po punojmë për ta korrigjuar këtë gjë”, tha Rummenigge në një intervistë të fundit për “AS”.
