Ish-mesfushori i Anglisë, Joe Cole, kritikoi ashpër arbitrimin e ndeshjes së parë çerekfinale të Champions League mes Barcelonës dhe Atletico Madridit, të fituar 2-0 nga “colchoneros”, për shkak të një vendimi shumë të diskutueshëm. Episodi lidhet me mbrojtësin e Atletico Madridit, Marc Pubill, i cili preku topin me dorë brenda zonës së vogël pas një pasimi nga portieri Juan Musso.
Pavarësisht protestave të zjarrta të lojtarëve blaugrana, arbitri Istvan Kovacs lejoi lojën të vazhdojë. “Era penallti dhe karton i kuq për Pubill, topi ishte në lojë, – tha Cole pa ekuivoke. – Lojtari nuk ishte nën presion, ishte vetëm një moment shpërqendrimi. Kjo është penallti”.
Ai shtoi se vendimi kishte pasoja disiplinore të rënda për spanjollin: “Pubill ishte tashmë i paralajmëruar, duhej të përjashtohej me kartonin e dytë të verdhë”. Vendimi i kontestuar mbetet pika kryesore në fitoren 2-0 të Atletico Madridit, çka shkakton polemika para ndeshjes së kthimit.
Cole përfundoi duke theksuar hidhërimin e Barcelonës: “Si futbollistë mund të bëjmë gjëra të çuditshme, por rregullat janë rregulla. Barcelona iu mohua kjo mundësi për ta rikthyer ndeshjen”.
