Përgatitjet për ndeshjen e së mërkurës në La Liga mes Barcelonës dhe Atletico Madridit nuk ishin aspak të qeta. Ndërsa autobusi i skuadrës së Atletico-s hyri në stadiumin “Spotify Camp Nou”, u sulmua me objekte. Incidenti përfshinte hedhjen e shisheve, gurëve dhe fishekzjarrëve nga një grup i vogël tifozësh vendas të mbledhur pas barrierave.
Sipas raportimeve, dy dritare të autobusit të vizitorëve u thyen, pikërisht përballë vendit ku ishte ulur trajneri Diego Simeone.
Pavarësisht incidentit, trajneri i Atletico Madrid, Diego Simeone, e përshkroi sjelljen e tifozëve si të papranueshme, ku kërkoi masa më të forta sigurie për të mbrojtur ekipet, duke theksuar se veprime të tilla nuk kanë vend në sport dhe pavarësisht incidentit, fokusi i Atleticos mbetet te loja.
“Kemi ardhur këtu për të luajtur futboll. Ne nuk do të shpërqendrohemi. Detyra jonë është të luajmë me guxim dhe respekt, dhe pikërisht këtë do të bëjmë” – ka thënë Simeone.
Ky nuk është incidenti i parë i tillë, në fillim të marsit, autobusi i Atletico-s u qëllua me gurë edhe nga ultrasit e zemëruar të Barcelonës pak para gjysmëfinales së Kupës së Mbretit.
