Barcelona hodhi një hap të madh drejt titullit në La Liga, pas fitores ndaj Espanyol, duke përfituar edhe nga një tjetër gabim i Real Madridit, çka e çon avantazhin në +9 pikë. Pas derbit, u dëgjuan kore të forta në “Camp Nou” kundër Espanyol, ku morën pjesë edhe disa lojtarë blaugrana, si dhe mesazhi i Lamine Yamal në rrjetet sociale: “Duhet ta përpish, si gjithmonë”.
Ky mesazh u komentua nga ish-portieri Santi Cañizares në “El Partidazo de Cope”, duke reflektuar mbi rolin e rrethit të lojtarëve dhe ndryshimet ndër vite. “Lojtarët e nivelit të lartë lëvizin më shumë para se kurrë dhe kanë më shumë njerëz rreth vetes.
Dikur këta ishin njerëz me më shumë para se futbollistët dhe i edukonin ata, – shpjegoi ai. – Sot askush nuk iu thotë asgjë, sepse rrezikon biznesin dhe largohet nga puna. Nuk bëhet fjalë t’i këshillosh, por të mos i shqetësosh. Nëse një lojtar thotë se do bëjë një marrëzi…, agjenti i thotë ‘mos u shqetëso, të ndihmoj unë’”.
Edhe Paco González shtoi: “Mendova për Iniesta dhe Puyol…, fituan gjithçka pa i bërë këto gjëra. Mungesë totale klasi”.
