Është hedhur shorti për gjysmëfinalet e Kupës së Kosovës në hendboll në të dy kategoritë, femra dhe meshkuj, duke përcaktuar çiftet që do të luftojnë për një vend në finalen e madhe të këtij kompeticioni.
Te kategoria e femrave, Istogu do të përballet me Shqiponjën, ndërsa Ferizaj është shortuar kundër Samadrexhës, dy duele që pritet të sjellin shumë rivalitet dhe emocione në fushë.
Në kategorinë e meshkujve, Rahoveci do të luajë ndaj Kastriotit, ndërsa Besa Famgas do të ketë përballë Prishtinën, duke kompletuar kështu gjysmëfinalet e një prej garave më të rëndësishme vendore në hendboll.
Finalet e Kupës së Kosovës do të zhvillohen më 25 dhe 26 Prill.
Teilen:
