Pas zyrtarizimit të vendimit të Mohamed Salah për t’u larguar nga Liverpool në fund të sezonit, klubi i kuq po shqyrton disa emra për të gjetur mes tyre zëvendësuesin ideal të egjiptianit.
“Mirror Football” zbulon se Liverpool po ndjek prej kohësh Yankuba Minteh, sulmuesin e djathtë nga Gambia, pjesë e Brighton në Premier League. 21-vjeçari konsiderohet si një sulmues anësor me të ardhme të madhe dh e për të ka interes nga disa klube të njohura, përveç Liverpool-it.
Një pikë që e afron shumë Minteh me Liverpool-in është Arne Slot. Trajneri holandez e njeh sulmuesin që nga koha kur ishin të dy pjesë e Feyenoord. Nën drejtimin e Slot, Minteh shkëlqeu në Holandë ku ishte i huazuar dhe u rikthye në Premier League, te Brighton këtë herë.
Megjithatë, situata mund të marrë një kthesë të papritur nëse Arne Slot largohet në fund të sezonit.
