Sot zhvillohen dy përballje të rëndësishme që do të kompletojnë tablonë e gjysmëfinaleve në Ligën e Kampionëve, ndërsa Atletico Madridi dhe Paris Saint-Germain presin të mësojnë rivalët e radhës.
Skuadra londineze Arsenal do të tentojë të mbrojë avantazhin minimal të arritur në ndeshjen e parë ndaj Sportingut, me synimin për të siguruar një vend në katërshen më të mirë, ku e pret Atletico Madridi i drejtuar nga Diego Simeone, transmeton lajmi.net.
Në sfidën tjetër, Real Madridi do të përballet në transfertë me Bayern Munichun në “Allianz Arena”, duke synuar të përmbysë disavantazhin 2-1 nga takimi i parë i zhvilluar në Madrid. Fituesi i kësaj përballjeje do të përballet në gjysmëfinale me Paris Saint-Germain.
Të dyja ndeshjet e mbrëmjes janë planifikuar të nisin nga ora 21:00./lajmi.net/
Teilen:
